Ի՞նչ է դուալ կրթությունը

Պատկերացրու շաբաթ, որի մի մասը անցկացնում ես դասասենյակում, մյուսը՝ իրական աշխատավայրում։ Դասասենյակում սովորում ես տեսությունը, աշխատավայրում տեսնում ես, թե ինչպես է այն աշխատում կյանքում։ Սա է դուալ կրթության հիմքը՝ ուսումնառություն երկու միջավայրում միաժամանակ։

Ինչպե՞ս է դա աշխատում

Դուալ կրթության մեջ կրթական հաստատությունը և գործատուն կիսում են ուսումնառության պատասխանատվությունը.

• կրթական հաստատությունը տալիս է գիտելիքը՝ հասկացությունները, մեթոդները, հիմքերը,
• աշխատավայրը տալիս է փորձը՝ իրական առաջադրանքներ, իրական գործիքներ, իրական թիմ,
• երկուսը միասին ստեղծում են ամբողջական պատկեր՝ ինչ է այս մասնագիտությունը իրականում։

Այս մոտեցումը տասնամյակներ աշխատում է Գերմանիայում, Շվեյցարիայում, Ավստրիայում և այլ երկրներում, որտեղ երիտասարդների մեծ մասը մասնագիտություն ընտրում է հենց այդպես՝ փորձելով։

Ինչո՞ւ է դա կարևոր քեզ համար

Երբ ուսումնառությունը կապված է իրական աշխատավայրի հետ, դու՝

• տեսնում ես մասնագիտության իրական առօրյան, ոչ միայն նկարագրությունը,
• հասկանում ես, թե սովորածդ որտեղ է կիրառվում,
• ձեռք ես բերում փորձ, որը կարող ես նշել առաջին իսկ ինքնակենսագրականումդ,
• ծանոթանում ես մարդկանց, որոնք արդեն աշխատում են քեզ հետաքրքրող ոլորտում։

Դուալ կրթությունը և ԴՈՒ ԷԼ-ը

ԴՈՒ ԷԼ-ը դուալ կրթության սկզբունքները կիրառում է մասնագիտական կողմնորոշման մեջ. ուսումնական բաժիններին զուգահեռ՝ ընկերությունների շրջայցեր, մասնագետների հետ հանդիպումներ, աշխատանքի դիտարկում և գործնական առաջադրանքներ։ Դու չես սպասում ավարտական դասարանին, որ առաջին անգամ տեսնես աշխատանքի աշխարհը. սկսում ես ծանոթանալ դրան հենց հիմա։

Ուզո՞ւմ ես փորձել։ Դիմի՛ր ծրագրին։